قبل ما نستعرض صورنا ^ـ^ احب ان اعرض صور مع نبذه او شويه معلومات جمعتها من خلال بحثي
المتواضع ,
الزبده اني اعاني هالفتره من شح في النوم وتعب العمل والصيام ومايمديني احط راسي العصر
الا المغرب جاي ,
احد الاخوان العرب في العمل قال لي تمرن تمارين اليوغا ^ـ^ ؟
قلت : هها بس
لا تقول اقعد مثل هاليابانيين عافطن لي رجلين وفاهي مدري وين انا فيه ؟
قال لي: اولا يا استاز محمد اليوغا ماهي يابانيهـ ^ـ^ >> عرفت ان ثقافتي ضحله
قلت وشهي ؟ قال : ماعارف ؟ لكن هي يمكن هنديه او صينيه ؟
الزبده رحت للبيت هاك اليوم اللي هو امس ^ـ^
وقلت عندي نعمه هالانترنت خلني اقرا اكثر والحمدلله لقيت الكثير لكن بكتب بايجاز بسيط
ماهي اليوغالذلك ^ـ^ يقول لكم ان اليوغا يعتبر احد الفنون القتاليه ؟ وجا من قال انه ديانه او اختراع ديانه
والبعض قال انها تصرف روحاني ؟ لطرد الارواح الشريره ؟
تاريخ اليوغا ؟اختلفت الروايات حول اليوغا فمنهم من قال ان بدايته كانت في الهند لدى الهندوس ثم انتقل للبوذيين
في شرق اسيا في العصور القديمه وتطورت واصبحت فن ؟ وادرجت من ضمن الفنون القتاليه مع
الكونق فو والكاراتيه وطقتهم. لكن الاغلبيه تصوت ان ابو هنيده هو راعيها. والدليل انك عادي تشوف
في الهند واحد في الشارع طاق عمامته وشنب ومعطيها يوغا مثل ذولي
وشهي اليوغا ؟هي حركات مصنطعه بشكل ابداعي يتناغم فيها الجسد مع الروح وتخلطهم ويكون فكرك مركز على
شي معين مع هدوء تام وشلل في كافه الجسم والسيطره عليه . وهو ما اسموه فن الاسترخاء
وبالتعبير الفلسفي يقول لك هي حاله خاصه بنقل التفكير العقلي لمنطقه امان اخرى تكون بمنعزل
مع تركيز ذهني صاف لشل الحركه العصبيه السابقه وتبديل الوضع القديم بحاله جديده > مافهمت شي
ماذا تحتاج عشان تصير يوغي ؟يقول لك ان اليوغا لها انواع كثيره ؟ منها راجا يوغا وهي اعلى درجات اليوغا
وفيه جنان يوغا وهذي خاصه للي يتفلسفون واجد ,
كذلك فيه بهاكتي يوغا وهذي خاصه بالزهد والورع والعباده .
وفيه هاثا يوغا وهي مراقبه الجسد والتحكم بالعضلات ؟
ايضا لايا غويا وهي اخطر وحده ؟ بحيث ماتسويها الا وانت بايعها. يعني احتمال تموت.
وفيه كرما يوغا خاصه بالشغل واخيرا مانترا يوغا وهذي مالها سنع لانها في الدين .
وعشان تصير يوغي بطران تحتاج للحرمان و ترويض النفس وتطهيرها ,
وتمارين جسديه (( سويديه)) معينه , و تحتاج لتنفس صح موب تجي تسويها
والرئه عندك منعدمه ؟ وتحتاج للانعزال التام عن الحياه ؟ يعني تقزز ع اللي حولك.
وايضا تحتاج للتأمل ؟ وهو ان تدخل بداخل نفسك ؟ يعني تغمض وتشوف روحك من داخل.
واخيرا الذاتيه ؟ يعني تكون متحقق ومنعزل ومتأمل وحر نفسك في داخل تفكيرك.
مثال شلون تبدا في اليوغا ؟ وكم تاخذ من الوقت؟يعني شلون نخش جو اليوغا ؟ يقول لك اليوغا لها 84 الف تمرين او وضعيه ؟ ويستخدم
منها مايقارب 30 الى 50 تمرين وهو الشائع او السهل .
الزبده انك قبل ما تاخذ الوضعيه في اليوغا تحط في بالك شي تفكر فيه او تركز فيه
يعني مو شي ^ـ^ هو اساسا لا شي لكن عود نفسك انك تاخذ جو من شي للاشي
اقرب مايكون للتحشيش لكن بطريقه سلميه وذهنيه .
مثال جب شفاط سن توب واقعد ناظره وتسائل ليه لونه برتقالي ؟ وليه هو دائري وطويل
ثم اقعد دقق ناظر فتحه الشفاط وركز عليها زين ثم انسى الشفاط كله ؟ وركز على الفتحه
ليه صارت دائريه ؟ وتسائل ليه الدائره سميت دائره وركز واعزل كل شي راح وخلك مركز
وحاول مايدخل اي تفكير ثاني في الموضوع .
ثم شف كم قعدت ؟ وانت متأمل ومركز ومنعزل وفاهي مع شفاط السن توب ؟
مع الوقت وكثره التمارين راح يطول وقتك في اليوغا ويوم عن يوم تاخذ لك غفوه عن العالم .
-
موضوع: اليوغا وكيف تكون غوغياً (حصري) 
2009-08-31, 20:45
يسلمو على الموضوع
